Xalq deputatlari Yunusobod tumani Kengashi deputati I. Ashrapova tomonidan huquqbuzarliklarning oldini olish va jamoat xavfsizligini ta’minlash masalalariga bag‘ishlangan profilaktik suhbat o‘tkazildi.

🗣️Suhbat davomida jinoyatchilik va huquqbuzarliklarning oldini olish, fuqarolarning huquqiy madaniyatini oshirish, shuningdek, huquqbuzarlikka olib kelishi mumkin bo‘lgan omillarni barvaqt aniqlash va bartaraf etish masalalariga alohida e’tibor qaratildi.

✅Shuningdek, hududda profilaktik ishlarni kuchaytirish, aholi, mahalla faollari va mas’ul tashkilotlar o‘rtasidagi hamkorlikni yanada mustahkamlash yuzasidan fikr almashildi.

👩🏻‍🏫Deputat I. Ashrapova huquqbuzarliklarning oldini olishda aholining huquqiy savodxonligini oshirish, ayniqsa, yoshlar o‘rtasida muntazam targ‘ibot-tushuntirish ishlarini olib borish muhimligini ta’kidladi.

📌 Huquqiy asos:

O‘zbekiston Respublikasining “Huquqbuzarliklar profilaktikasi to‘g‘risida”gi Qonuni, 2014-yil 14-maydagi O‘RQ-371-son. Mazkur Qonun huquqbuzarliklar profilaktikasi sohasidagi munosabatlarni tartibga soladi hamda huquqbuzarliklarning oldini olish, ularning sodir etilishiga imkon beruvchi sabab va shart-sharoitlarni aniqlash hamda bartaraf etishning huquqiy asoslarini belgilaydi.

Bizni kuzatishda davom eting!