#kunlik_ish_reja_ijrosi #murojaatlar_daftari #deputat_faoliyati
#deputat_okrugida #mahalla_yettiligi_bilan_hamkorlik

«Istara» mahallasida fuqarolar murojaatlari tinglandi

Xalq deputatlari tuman Kengashiga 23-Navbur saylov okrugidan saylangan deputat Q. Igamberdiyeva o‘zi saylangan saylov okrugidagi «Istara» mahallasida mahalla yettiligi a’zolari bilan birgalikda fuqarolar bilan uchrashuv o‘tkazib, ularning murojaatlari, taklif va muammolarini bevosita tingladi.

Muloqot davomida fuqarolar tomonidan mahalladagi mavjud muammolar, infratuzilma, ijtimoiy masalalar hamda kundalik hayotda duch kelinayotgan muammolar yuzasidan bildirilgan murojaatlar atroflicha muhokama qilindi.

Bildirilgan murojaatlarning har biri deputat tomonidan alohida e’tiborga olinib, deputatning «Murojaatlar daftari»ga qayd etildi. Ularni hal etish yuzasidan mahalla yettiligi a’zolari bilan birgalikda mas’ul tashkilotlar bilan hamkorlik qilish, zarur hollarda tegishli tashkilotlarga deputatlik so‘rovlari kiritish belgilandi.

Shuningdek, murojaatlarda ko‘tarilgan masalalarning ijrosini ta’minlash, ularning yechimini izchil kuzatib borish hamda fuqarolarga ko‘rib chiqish natijalari yuzasidan ma’lumot berish masalalariga alohida e’tibor qaratildi.

Fuqarolar murojaatlarining ijrosi deputatlik nazorati doirasida kuzatib boriladi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram