Xalq deputatlari Mirzo Ulug'bek tumani Kengashi deputati, O'zbekiston XDP a'zosi Gulchexra Axmedova “Alisherobod” mahallasida amalga oshirilayotgan ishlar, mahallaning dolzarb muammolari va ularni bartaraf etish bo‘yicha ko‘rilayotgan chora-tadbirlar yuzasidan saylovchilar bilan uchrashdi.

Bo‘lib o‘tgan yig‘ilishda xalq deputatlari Toshkent shahar Kengashi deputati Xabibullo Akilov, tuman hokimi o‘rinbosari Bexzod Nazarov, O‘zbekiston XDP tuman a’zolari, Xalq deputatlari Mirzo Ulug‘bek tumani Kengashi kotibiyati bosh mutaxassisi, tuman hokimligi, “MADAD” NNT hamda “Alisherobod” “mahalla yettiligi” va faollari ishtirok etishdi.

Uchrashuv davomida deputat fuqarolar tomonidan bildirilgan ayrim murojaatlar ijrosi yuzasidan tegishli tashkilot mutasaddilar bilan hamkorlikda ish olib borilayotgani, ularning yechimi yuzasidan amalga oshirlayotgan ishlar to‘g‘risida ma’lumot berdi.

Shuningdek, deputat mahalla infratuzilmasini yanada yaxshilash bo‘yicha ishlab chiqilgan reja yuzasidan saylovchilarga axborot berdi.