Xalq deputatlari Qo‘qon shahar Kengashiga 3-“Achchiqko'l” saylov okrugidan saylangan deputat M.Mavlonqulov tomonidan “Uzumzor” mahalla fuqarolar yig‘inida mahalla yettiligi bilan hamkorlikda ijtimoiy reyestrga kiritilgan oilalarning ijtimoiy-maishiy holati o‘rganildi.

O‘rganish davomida Achchiqko‘l Tegirmonboshi ko‘chasi, 12-uyda yashovchi S.Nurmatova xonadoniga tashrif buyurilib, oilaning yashash sharoiti, mavjud muammolari hamda ijtimoiy ehtiyojlari bilan yaqindan tanishildi.

Suhbat davomida oilani mavjud ijtimoiy qo‘llab-quvvatlash choralaridan samarali foydalanish, shu bilan birga, doimiy daromad manbasini yaratish va daromadini oshirish orqali oilani kambag‘allikdan chiqarish masalalari muhokama qilindi.

Oila a’zolarining imkoniyatlari va ehtiyojlaridan kelib chiqib, ularni bandligini ta’minlash, daromad manbasini kengaytirish hamda mavjud imkoniyatlardan foydalanish bo‘yicha tegishli tavsiyalar berildi.

Mazkur masala deputat tomonidan nazoratga olinib, mahalla yettiligi va mas’ul tashkilotlar bilan hamkorlikda oilaga amaliy ko‘mak ko‘rsatish choralari belgilandi.

Xalq deputatlari Qo‘qon shahar Kengashi