Xalq deputatlari Sardoba tumani Kengashi kotibiyati bosh mutaxassisi L.Toshquvvatov tomonidan tumandagi 6-son umumiy o‘rta ta’lim maktabining 2026–2027-yil kuz-qish mavsumiga tayyorgarlik holati o‘rganildi.
O‘rganish davomida maktabning sport zallari hamda ayrim sinf xonalarining holati talab darajasida emasligi aniqlandi. Jumladan, sport zallarida ta’mirlash va obodonlashtirish ishlarini amalga oshirish zarurati mavjud bo‘lib, ayrim sinf xonalarida bajarilgan ta’mirlash ishlari ham sifat jihatidan qoniqarsiz holatda ekani kuzatildi.
Mazkur kamchiliklarni bartaraf etish, maktab binosi va o‘quv xonalarini kuz-qish mavsumiga puxta tayyorlash, o‘quvchilar uchun xavfsiz, qulay va zamonaviy sharoit yaratish yuzasidan mas’ullarga tegishli tavsiyalar berildi.
Aniqlangan muammolarni belgilangan muddatlarda bartaraf etish hamda maktabning kuz-qish mavsumiga tayyorgarlik holatini yaxshilash bo‘yicha amaliy choralar ko‘rish zarurligi ta’kidlandi.