Xalq deputatlari Chilonzor tumani Kengashi deputati, O‘zbekiston Ekologik partiyasi a’zosi Fayzullayeva Malika Yarkunovna tumanda joylashgan 5-son yuqumli kasalliklar shifoxonasida kuz-qish mavsumiga tayyorgarlik holatini o‘rgandi.
O‘rganish davomida tibbiyot muassasasining kuz-qish mavsumini barqaror va xavfsiz o‘tkazishga qay darajada tayyorligi, binolarning texnik holati, isitish tizimlarining sozligi va uzluksiz ishlash imkoniyati, elektr energiyasi hamda boshqa zarur resurslar bilan ta’minlanganlik holatiga e’tibor qaratildi.
Shuningdek, bemorlar va tibbiyot xodimlari uchun mavsum davomida munosib sharoit yaratish, xonalarni belgilangan haroratda saqlash masalalari ham ko‘zdan kechirildi.
Ayniqsa, yuqumli kasalliklar shifoxonasi kabi muhim tibbiyot muassasasida kuz-qish mavsumiga tayyorgarlik masalasini faqat texnik vazifa sifatida emas, balki bemorlar salomatligi, sanitariya-epidemiologik barqarorlik va xavfsiz muhitni ta’minlashning muhim sharti sifatida ko‘rish zarurligi ta’kidlandi.