Namunali Birlik MFYda Xalq deputatlari Andijon shahar Kengashi deputati B. Muydinov tomonidan 24 ta tavsiya asosida amalga oshirilayotgan ishlar yuzasidan tushuntirish va amaliy o‘rganish ishlari olib borildi.

Jarayon davomida hududdagi mavjud muammolar, obodonlashtirish ishlari hamda aholi murojaatlari o‘rganib chiqildi.

Shuningdek, 24 ta tavsiyaning mazmun-mohiyati tushuntirilib, ularni sifatli va o‘z vaqtida amalga oshirish bo‘yicha tegishli tavsiyalar berildi.

Mahalla mas’ullariga aniqlangan kamchiliklarni bartaraf etish, aholi bilan yaqindan ishlash hamda belgilangan vazifalar ijrosini ta’minlash yuzasidan zarur ko‘rsatmalar berildi.

24 ta tavsiya asosida belgilangan vazifalarni amalga oshirish bo‘yicha amaliy ishlar davom ettirilmoqda.