Xalq deputatlari Yunusobod tumani Kengashi deputati Murzametova Marina tomonidan 13-mavze, 64-uy hududidagi bolalar maydonchasining holati o‘rganildi.

📌O‘rganish davomida bolalar maydonchasidagi mavjud jihozlarning holati, hududning obodonlashtirilishi hamda bolalar uchun yaratilgan sharoitlar atroflicha ko‘zdan kechirildi. Maydonchani zamonaviy talablar asosida yangilash, eskirgan va foydalanish uchun noqulay bo‘lgan jihozlarni bosqichma-bosqich almashtirish masalalariga alohida e’tibor qaratildi.

👧🧒Shuningdek, bolalar uchun xavfsiz va qulay o‘yin hududini tashkil etish, maydonchaga zamonaviy o‘yin konstruksiyalarini o‘rnatish, hududni tartibga keltirish hamda uning tashqi ko‘rinishini yanada yaxshilash bo‘yicha tegishli takliflar ishlab chiqilmoqda.

🌿Mazkur tashabbusdan ko‘zlangan asosiy maqsad — hududda istiqomat qiluvchi bolalar uchun mazmunli hordiq chiqarish, ochiq havoda faol shug‘ullanish va vaqtini xavfsiz o‘tkazishi uchun qulay sharoit yaratishdir.

🤝Deputat tomonidan bolalar maydonchasini yangilash bo‘yicha tegishli tashkilotlar bilan hamkorlikda ishlarni tashkil etish, mavjud masalalarni bosqichma-bosqich hal etish va amalga oshirilayotgan ishlarning natijasini nazoratga olishga e’tibor qaratilmoqda.

🇺🇿Xalq deputatlari Yunusobod tumani Kengashi tomonidan mahallalarda aholi uchun qulay shart-sharoitlar yaratish, hududlarni obodonlashtirish hamda bolalar uchun xavfsiz va zamonaviy infratuzilmani rivojlantirishga qaratilgan ishlar izchil davom ettiriladi.

Bizni kuzatishda davom eting!