NAVBATDAGI SESSIYA OLDIDAN O‘RGANISH ISHLARI DAVOM ETMOQDA

📍 Xalq deputatlari O‘rta Chirchiq tumani Kengashining navbatdagi sessiyasiga tayyorgarlik doirasida kun tartibiga kiritilgan masalalar yuzasidan joylarda o‘rganish ishlari davom ettirilmoqda.
Shu munosabat bilan Xalq deputatlari O‘rta Chirchiq tumani Kengashi deputati Y.Musayev hamda kotibiyat mudiri B.Baxovadinov tomonidan tuman Suv ta’minoti bo‘limi faoliyati yuzasidan sessiya oldi o‘rganish ishlari olib borildi.

🔺 O‘rganish davomida bo‘lim tomonidan aholiga ichimlik suvi yetkazib berish, suv ta’minoti tizimlarining barqaror ishlashini ta’minlash, mavjud suv tarmoqlarining texnik holatini saqlash va ta’mirlash, shuningdek, fuqarolarning suv ta’minoti bilan bog‘liq murojaatlarini ko‘rib chiqish borasida amalga oshirilayotgan ishlar tahlil qilindi.

🔺Hududlardagi ichimlik suvi tarmoqlarining holati, ta’mirtalab va avariya holatidagi qismlarni aniqlash, suv bosimi bilan bog‘liq muammolarni bartaraf etish, yangi tarmoqlarni ishga tushirish hamda mavjud infratuzilmani bosqichma-bosqich yangilash bo‘yicha olib borilayotgan ishlar o‘rganildi.

♻️ Shuningdek, aholidan kelib tushayotgan murojaatlar, jumladan, suv ta’minotidagi uzilishlar, suv bosimining pastligi, tarmoqlardagi nosozliklar va boshqa muammolarni o‘z vaqtida bartaraf etish bo‘yicha amalga oshirilayotgan ishlarning samaradorligiga alohida e’tibor qaratildi.

📌 O‘rganish jarayonida suv ta’minoti tizimida mavjud muammolarni manzilli aniqlash, ularni bosqichma-bosqich bartaraf etish, aholiga uzluksiz va sifatli ichimlik suvi yetkazib berishni ta’minlash hamda murojaatlar bilan ishlash samaradorligini oshirish masalalari muhokama qilindi.

✅ Aniqlangan kamchiliklarni bartaraf etish, ta’mirtalab suv tarmoqlarini yangilash, avariya holatlarining oldini olish, suv ta’minotida uzilishlarni kamaytirish hamda aholining murojaatlarini nazoratga olib, ularni o‘z vaqtida hal etish yuzasidan mas’ullarga tegishli tavsiya va takliflar bildirildi.

✅Xalq deputatlari O‘rta Chirchiq tuman Kengashi kotibiyati axborot xizmati!
Telegram | Instagram | Facebook | YouTube