#deputatlik_faoliyati

Mahalladagi ijtimoiy xodim faoliyati o‘rganildi

📍 Xalq deputatlari O‘rta Chirchiq tumani Kengashi 11-Xalqobod saylov okrugi deputati D.Zulyarova tomonidan Xalqobod MFYda faoliyat yuritayotgan ijtimoiy xodimning faoliyati joyiga chiqqan holda o‘rganildi.

🖋 O‘rganish davomida mahallada ijtimoiy himoyaga muhtoj, kam ta’minlangan va ehtiyojmand fuqarolarni qo‘llab-quvvatlash, ularga manzilli ijtimoiy xizmatlar ko‘rsatish borasida amalga oshirilayotgan ishlar tahlil qilindi. “Yagona ijtimoiy reyestr” axborot tizimiga kiritilgan fuqarolar soni, ularga ajratilayotgan ijtimoiy yordamlar, mavjud muammolarni aniqlash va ularni hal etish bo‘yicha olib borilayotgan ishlar ko‘rib chiqildi.

📖 Bundan tashqari, kam ta’minlangan va ehtiyojmand oilalarga ajratilgan mahsulotlarining yetkazib berilishi, uy-joyi ta’mirlangan fuqarolar bo‘yicha amalga oshirilgan ishlar va bolalar nafaqasi va moddiy yordam oluvchi fuqarolar haqidagi ma’lumotlarning yuritilishi o‘rganildi.

🔎 O‘rganish jarayonida tegishli hujjatlarning belgilangan tartibda rasmiylashtirilishi, ma’lumotlarning to‘g‘ri va o‘z vaqtida shakllantirilishi hamda ijtimoiy yordamlarning manzilliligi masalalariga ham alohida e’tibor qaratildi.

✅Xalq deputatlari O‘rta Chirchiq tuman Kengashi kotibiyati axborot xizmati!
Telegram | Instagram | Facebook | YouTube