🟢 DEPUTAT SAYLOV OKRUGIDA UYMA-UY O‘RGANISH ISHLARINI OLIB BORDI

Xalq deputatlari Sherobod tumani Kengashining 10-Chag‘atoy saylov okrugi deputati Q. Raxamov, Kengash kotibiyati mudiri O. Tursunov hamda Chag‘atoy mahallasi ijtimoiy xodimi bilan birgalikda mahallada uyma-uy yurib o‘rganish ishlari olib borildi.

O‘rganish davomida fuqarolarning xonadonlariga tashrif buyurilib, ularning yashash sharoiti, mavjud muammolari va ehtiyojlari bilan yaqindan tanishildi.

O‘rganish jarayonida fuqarolar tomonidan yo‘l va tabiiy gaz ta’minoti bilan bog‘liq muammolar bildirildi. Aniqlangan mazkur masalalar yuzasidan deputat Q. Raxamov tomonidan shu kunning o‘zida tegishli mas’ul rahbarlarga deputatlik so‘rovlari yuborildi.

Shuningdek, fuqarolar murojaatlarini amaliy hal etish, aniqlangan muammolarni bartaraf etish va ularning ijrosini nazorat qilish masalalariga alohida e’tibor qaratildi.

📌 Uyma-uy o‘rganish — fuqarolar muammolarini joyida aniqlash, murojaatlarni eshitish va ularni amaliy yechimga yo‘naltirishning muhim vositasidir.

Xalq deputatlari Sherobod tumani Kengashi kotibiyati matbuot xizmati.