Янгиқўрғон тумани ҳокими, Халқ депутатлари Янгиқўрғон тумани Кенгаши депутати Асадулла Нажмиддинов бошчилигидаги ишчи гуруҳ томонидан Деҳқонобод маҳалласида аҳолининг томорқа ерларидан самарали фойдаланиши ҳамда қўшимча даромад манбаларини яратиш борасида амалга оширилаётган ишлар ўрганилди.
Ўрганиш жараёнида хонадонларда узум ва лимон етиштириш, мавжуд ер ва сув имкониятларидан оқилона фойдаланиш, аҳоли бандлигини таъминлаш ҳамда оилавий даромадларни оширишга қаратилган ишларга алоҳида эътибор қаратилди.
Маҳалладаги хонадонларда етиштирилаётган сифатли маҳсулотлар ички бозорни таъминлаш билан бирга, оилаларнинг моддий фаровонлигини юксалтиришда ҳам муҳим аҳамият касб этаётгани таъкидланди.
Ишчи гуруҳ томонидан Деҳқонобод маҳалласида шаклланган мазкур ижобий тажрибани оммалаштириш, томорқадан унумли фойдаланиш, узумчилик ва лимончиликни янада ривожлантириш орқали аҳолининг ўзини ўзи банд қилиш имкониятларини кенгайтириш бўйича тавсиялар берилди.
Шунингдек, бундай самарали тажрибаларни туманнинг бошқа маҳаллаларида ҳам кенг жорий этиш муҳимлиги қайд этилди.

Slide 1 of 5