Bugun Xalq deputatlari Olmaliq shahar Kengashining navbatdan tashqari 50-sessiyasi o‘tkazildi.
Sessiya kun tartibida 1 ta masala — Xalq deputatlari Olmaliq shahar Kengashining bo‘shab qolgan 11-“Mustaqillik” saylov okrugi deputatligiga o‘tkazilgan saylov natijalari to‘g‘risida shahar saylov komissiyasi raisi B. Do‘simbetovning axboroti o‘rin oldi.

Sessiya kun tartibidagi masala yuzasidan 11-“Mustaqillik” saylov okrugidan O‘zbekiston Liberal-demokratik partiyasidan (O‘zLiDeP)  Meliyev Barxayot Baxtiyorjonovich deputat etib tasdiqlandi.
Sessiya yakunida deputatlar B. Meliyevning kelgusi mas’uliyatli faoliyatida zafarlar va omadlar tilab, samimiy tilaklarini bildirishdi.
🌐 Ochiqlik va shaffoflik:
Sessiya jarayoni jamoatchilik uchun to‘liq ochiq tarzda, shahar Kengashining rasmiy Facebook sahifasi orqali jonli efirda uzatildi.