Xalq deputatlari Qo‘qon shahar Kengashiga 9-“Shaldiramoq” saylov okrugidan saylangan deputat F.Qaxxarova tomonidan fuqarolar murojaati asosida navbatdagi deputatlik so‘rovi yuborildi.

Saylovchilar bilan o‘tkazilgan uchrashuvlar davomida Qo‘qon shahar “Shaldiramoq” mahalla fuqarolar yig‘ini hududidagi “Turkiston” ko‘chasining 152-sonli ko‘p qavatli uyi hamda “Sarboz” ko‘chasidagi 32–41-sonli ko‘p qavatli uylar oldi qismida bolalar sport maydonchasi qurish masalasi yuzasidan murojaatlar kelib tushgan.

Fuqarolar mazkur hududlarda bolalarning bo‘sh vaqtini mazmunli tashkil etish, ularning sport bilan shug‘ullanishi uchun zarur sharoitlar yaratish maqsadida zamonaviy sport maydonchasi barpo etilishiga amaliy yordam ko‘rsatilishini so‘rashgan.

Shu munosabat bilan deputat tomonidan Qo‘qon shahar hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari nomiga deputatlik so‘rovi yuborildi.

Deputatlik so‘rovida:
“Shaldiramoq” mahalla fuqarolar yig‘inining “Turkiston” ko‘chasidagi 152-sonli ko‘p qavatli uy oldi hamda “Sarboz” ko‘chasidagi 32–41-sonli ko‘p qavatli uylar oldi qismida bolalar sport maydonchasi qurish yuzasidan qanday choralar ko‘rilishi;
Mazkur hududlarda bolalar sport maydonchasini qurish ishlarini amalga oshirish bo‘yicha aniq muddat va rejalashtirilgan tadbirlar haqida batafsil ma’lumot taqdim etish so‘ralgan.

Mazkur masala deputat nazoratiga olingan bo‘lib, deputatlik so‘roviga qonunchilikda belgilangan tartibda javob taqdim etilishi hamda murojaat yuzasidan amalga oshirilgan ishlar haqida qo‘shimcha ma’lumot berib boriladi.

Xalq deputatlari Qo‘qon shahar Kengashi