Xalq deputatlari Angor tumani Kengashi 12-Qodiriy saylov okrugi deputati Qo‘ziyeva Shoira tomonidan fuqarolar qabuli davomida kelib tushgan murojaatlar o‘rganilib, aniqlangan muammo yuzasidan deputatlik so‘rovi yuborildi.

Murojaatda O‘zbekiston Yangi massividagi ko‘p qavatli uylar oldida maishiy chiqindilar to‘planib qolayotgani, chiqindilar o‘z vaqtida va muntazam olib chiqib ketilmayotgani sababli salbiy ta’sir ko‘rsatayotgani bildirilgan.
Mazkur murojaat fuqarolarning qulay va toza muhitda yashash sharoitlarini ta’minlash nuqtayi nazaridan muhim ahamiyatga ega. Amaldagi tartibga ko‘ra, chiqindi to‘plash shoxobchalaridan maishiy chiqindilarni olib chiqib ketish muntazam amalga oshirilishi lozim.

Shu munosabat bilan deputat tomonidan mas’ul tashkilotlarga hududdagi mavjud holatni o‘rganish, to‘planib qolgan chiqindilarni zudlik bilan olib chiqib ketish hamda kelgusida chiqindilarni belgilangan jadval asosida muntazam olib chiqib ketilishini ta’minlash yuzasidan tegishli choralar ko‘rish so‘raldi.

Deputatlik nazorati doirasida murojaatning ijrosi va muammoning amaliy yechimi nazoratga olindi.