Xalq deputatlari Angor tumani Kengashi 18-Yangi turmush saylov okrugi deputati Sevara Yuldosheva tomonidan Ko‘p tarmoqli oilaviy poliklinikasining Sharof Rashidov filiali faoliyati yuzasidan deputatlik nazorati olib borildi.

Nazorat-tahlil jarayonida muassasada fuqarolarning murojaatlari bilan ishlash, ularni tinglash va muammolarini o‘z vaqtida o‘rganish holatiga alohida e’tibor qaratildi. Shuningdek, fuqarolar bilan bevosita suhbatlar o‘tkazilib, ularga ko‘rsatilayotgan tibbiy xizmatlarning sifati, tibbiyot xodimlarining murojaatlarga munosabati hamda xizmat ko‘rsatish jarayoni o‘rganildi.
Deputat tomonidan aholiga tibbiy xizmat ko‘rsatish sifatini yanada yaxshilash, fuqarolar murojaatlarini e’tiborsiz qoldirmaslik va aniqlangan masalalarni amaldagi tartibda hal etish yuzasidan mas’ullarga tegishli tavsiyalar berildi.

Mazkur nazorat tadbiri aholining huquq va manfaatlarini himoya qilish, tibbiy xizmatlardan foydalanish imkoniyatlarini yaxshilash hamda hududdagi muammolarni joyiga chiqqan holda o‘rganish va ularning yechimini ta’minlashga qaratildi.