Qaror ijrosi yuzasidan targ‘ibot ishlari olib borildi.

Xalq deputatlari Angor tumani Kengashi 18-Yangi turmush saylov okrugi deputati S. Yo‘ldosheva tomonidan 23-maktabda yo‘l harakati xavfsizligini ta’minlash, fuqarolarning huquqiy bilimlarini oshirish hamda yo‘l-transport hodisalarining oldini olish maqsadida “Yo‘l harakati to‘g‘risida”gi O‘zbekiston Respublikasi Qonunining mazmun-mohiyati va ijrosi yuzasidan targ‘ibot ishlari olib borildi.

Targ‘ibot davomida O‘RQ-900-son Qonunda belgilangan yo‘l harakati ishtirokchilarining huquq va majburiyatlari, yo‘l harakati qoidalariga qat’iy rioya qilish, piyodalar va haydovchilarning xavfsizligini ta’minlash hamda yo‘llarda ehtiyotkorlik choralariga amal qilishning ahamiyati tushuntirildi.

Shuningdek, fuqarolarga yo‘l harakati qoidalariga rioya etish nafaqat qonuniy majburiyat, balki inson hayoti va salomatligini asrashning muhim omili ekani haqida tushunchalar berildi.

Deputat tomonidan mazkur Qonun talablarining joylarda ijrosini ta’minlash, aholining huquqiy madaniyatini yuksaltirish va yo‘l harakati xavfsizligini mustahkamlashga qaratilgan targ‘ibot ishlarini davom ettirish zarurligi ta’kidlandi.

Qonun ijrosi — fuqarolar xavfsizligi va yo‘l harakati tartibining muhim kafolatidir.