Andijon shahridagi “Nodirabegim” istirohat bog‘ida amaliy o‘rganish ishlari olib borildi.

O‘rganish davomida Xalq deputatlari viloyat Kengashi kotibiyat mudiri N. To‘ychiyeva hamda Xalq deputatlari Andijon shahar Kengashi raisi R. Ziyayev tomonidan bog‘ning mavjud holati, obodonlashtirish ishlari va fuqarolar uchun yaratilgan sharoitlar ko‘zdan kechirildi.

Shuningdek, bog‘ hududidagi ko‘lda xavfsizlik qoidalariga rioya etilishi masalasiga alohida e’tibor qaratildi. Suvga tushish taqiqlangan hududda cho‘milayotgan voyaga yetmaganlarga zarur ogohlantirishlar berildi.

O‘rganish davomida tadbirkorlar bilan muloqot qilinib, ularning muammolari tinglandi. Yer bilan bog‘liq masalalarni qonuniy hal etish yuzasidan tegishli takliflar bildirildi.

Bog‘ hududida xavfsizlikni ta’minlash, obodonlashtirish ishlarini yaxshilash hamda fuqarolar va tadbirkorlar uchun qulay sharoit yaratish borasidagi ishlar davom ettirilmoqda.