17-BAND IJROSI:Deputat faoliyatida amaliy nazorat
Xalq deputatlari Pastdarg‘om tumani Kengashining navbatdagi sessiyasi kun tartibiga kiritilgan masalani o'rganish hamda deputati faoliyatining eng muhim yo‘nalishlari bo‘yicha Tavsiyalarning 17-bandi ijrosini ta’minlash maqsadida deputat M. Kilichov tomonidan Zangiboyi mahallasida o‘rganish ishlari olib borildi.
O‘rganish davomida mahalladagi jami 18 ta ko‘chadan biri — Beg‘ubor ko‘chasi holati ko‘zdan kechirildi. Ko‘chaboshisi A. Barakayev bilan hududdagi maishiy chiqindilarni o‘z vaqtida olib ketish, hududning sanitariya va obodonlashtirish holatini yaxshilash masalalari yuzasidan suhbatlashildi.
Suhbat davomida mavjud holat va muammolar muhokama qilinib, chiqindilarni belgilangan muddatlarda olib ketish hamda ko‘chalarda tozalikni ta’minlash yuzasidan tegishli choralarni ko‘rish zarurligi ta’kidlandi.
Deputatlik nazorati — hududdagi muammolarni o‘z vaqtida aniqlash va ularning amaliy yechimini ta’minlashga xizmat qiladi.