Xalq deputatlari Mirzo Ulug‘bek tumani Kengashi deputati, O‘zbekiston “Milliy tiklanish” demokratik partiyasi a’zosi Yoqutxon Madjidova “Alisher Navoiy” mahallasida xotin-qizlar va bolalar huquqlarini himoya qilish, ularning ijtimoiy holatini yaxshilash hamda mavjud muammolarni aniqlashga qaratilgan o‘rganish tadbirini o‘tkazdi.

Unda xotin-qizlar va bolalar huquqlarini himoya qilish, oilalarda sog‘lom ma’naviy muhitni shakllantirish hamda zo‘ravonlik holatlarining oldini olish masalalari muhokama qilindi.

Tadbir davomida aholining huquqiy savodxonligini oshirish, profilaktik ishlar samaradorligini kuchaytirish hamda mutasaddi tashkilotlar hamkorligini mustahkamlashga alohida e’tibor qaratildi.

Shuningdek, 24 tavsiya yo‘nalishi bo‘yicha aholiga o‘z vaqtida sifatli tibbiy yordam ko‘rsatilish holati yuzasidan savol-javoblar o‘tkazildi.

Ta’kidlanishicha, bunday uchrashuv va davra suhbatlari jamiyatda huquqiy ongni yuksaltirish, oilalar mustahkamligini ta’minlash hamda zo‘ravonlikka nisbatan murosasiz munosabatni shakllantirishda muhim ahamiyat kasb etadi.