Xalq deputatlari Bo‘zatov tumani Kengashining 12-sonli "Aspantay" saylov okrugidan saylangan deputat G. Jumanazarova mahalla faollari va fuqarolar bilan uchrashib, hududda olib borilayotgan obodonlashtirish ishlari hamda aholini qiynayotgan dolzarb masalalarni joyiga chiqqan holda muhokama qildi.

Uchrashuv davomida ko‘chalarni obodonlashtirish, hudud tozaligini saqlash, aholi murojaatlarini o‘rganish va ularni bosqichma-bosqich hal etish yuzasidan fikr almashildi. Shuningdek, mahalla aholisining taklif va tashabbuslari tinglanib, tegishli masalalarni mutasaddi tashkilotlar bilan hamkorlikda hal etish bo‘yicha kelishib olindi.

Deputat tomonidan fuqarolar bilan ochiq muloqot o‘tkazish, ularning muammolarini o‘rganish va amaliy yechim topishga qaratilgan bunday uchrashuvlar kelgusida ham izchil davom ettirilishi ta’kidlandi.