Xalq deputatlari Mirzo Ulug‘bek tumani Kengashi deputati O‘zLiDeP a’zosi Dilshod Soliyev tomonidan saylov okrugida joylashgan “Navnihol” mahalla fuqarolar yig‘inida aholi bilan uchrashuv o‘tkazilib, 2026-yil 2-chorakdagi deputatlik faoliyati yuzasidan axborot berildi.

Uchrashuvda “mahalla yettiligi” a’zolari, tuman hokimligi, tegishli tashkilot va idoralar mas’ullari, Madad NNT vakili, Kengash bosh mutaxassisi hamda mahalla fuqarolari ishtirok etdilar.

Deputat o‘z axborotida o‘tgan chorak davomida amalga oshirilgan deputatlik faoliyati haqida batafsil ma’lumot berdi. Shuningdek, axborot davomida mahalla ko‘chalari va ichki yo‘llarni ta’mirlash, hududni obodonlashtirish, ijtimoiy soha obyektlari holatini yanada yaxshilash hamda aholiga munosib turmush sharoitlarini yaratish yuzasidan olib borilgan ishlarga alohida to‘xtalib o‘tildi.

Deputatlik so‘rovlari asosida mas’ul tashkilotlar tomonidan bajarilgan ishlar, hal etilgan masalalar hamda ijrosi nazoratga olingan muammolar haqida ham saylovchilarga ma’lumot taqdim etildi.

Uchrashuv davomida fuqarolar o‘zlarini qiziqtirgan masalalar, mavjud muammo va takliflarini bildirdilar. Har bir murojaat deputat va mas’ullar ishtirokida muhokama qilinib, ularni qonuniy va amaliy hal etish bo‘yicha tegishli vazifalar belgilab olindi.

Ushbu tadbirlarida Xalq deputatlari Mirzo Ulug‘bek tumani Kengashi kotibiyati bosh mutaxassisi Jamoliddin Kuchkarov ham ishtirok etdi.