📌 Aholi murojaatlari bilan ishlash holati va deputatlik faoliyati o‘rganildi

👥 Xalq deputatlari Sherobod tumani Kengashi kotibiyati mudiri O. Tursunov hamda Kengash kotibiyatining bosh mutaxassisi Sh. Xo‘janazarov Xalq deputatlari Sherobod tumani Kengashining 21-G‘urjak saylov okrugi deputati Z. Eshmurodovaning saylov okrugiga qarashli "Gurjak 1" mahallasida deputatlik faoliyatining ustuvor 24 yo‘nalishi doirasida o‘rganish ishlarini olib bordi.

👩💼 O‘rganish davomida mahalla xotin-qizlar faoli M. Choriyevaning xotin-qizlarni qo‘llab-quvvatlash, ularning bandligini ta’minlash, ijtimoiy faolligini oshirish hamda mavjud muammolarini o‘rganish va hal etish borasidagi faoliyati bilan tanishilib, ushbu yo‘nalishda olib borilayotgan ishlar yuzasidan fikr almashildi.

📑 Shuningdek, Xalq deputatlari Sherobod tumani Kengashining navbatdagi sessiyasi kun tartibiga kiritilgan aholi murojaatlari bilan ishlash holati, murojaatlarni o‘z vaqtida ko‘rib chiqish va ularni ijobiy hal etish yuzasidan amalga oshirilgan ishlar ham o‘rganildi.

✅ O‘rganish yakunida deputatlik faoliyati samaradorligini oshirish, aholi murojaatlari bilan ishlash tizimini yanada takomillashtirish hamda xotin-qizlarni qo‘llab-quvvatlash borasidagi ishlarni izchil davom ettirish yuzasidan tegishli tavsiyalar berildi.