DEPUTAT SO‘ROVI YUBORILDI

📍 Xalq deputatlari Samarqand viloyati Kengashi deputati Shoxrux Odil o‘g‘li Qudratov tomonidan 283-ds-383-26-sonli deputat so‘rovi Samarqand shahar hokimi F. Umarovga yuborildi.

✅ Deputat so‘rovida 4-Mustaqillik saylov okrugi hududidagi Birlik mahallasi aholisi tomonidan sport infratuzilmasini rivojlantirish bilan bog‘liq dolzarb masala ko‘tarildi.

🥅 Murojaatda mahallada 546 ta oila, 346 ta xonadon va 1 781 nafar aholi istiqomat qilishi, biroq yoshlarning sport bilan muntazam shug‘ullanishi uchun zarur sharoitlar mavjud emasligi qayd etilgan. Xususan, hududda zamonaviy sport maydonchasining yo‘qligi yoshlarning bo‘sh vaqtini mazmunli tashkil etish imkoniyatlarini cheklayotgani ta’kidlangan.

⛳️ Deputat tomonidan Birlik mahallasi hududida zamonaviy sport maydonchasini barpo etish, hududni obodonlashtirish hamda yoshlar uchun sog‘lom turmush tarzini targ‘ib etishga xizmat qiladigan infratuzilmani yaratish yuzasidan amaliy choralar ko‘rish so‘ralgan.

✅ Shuningdek, mazkur masala yuzasidan amalga oshirilgan ishlar, belgilangan chora-tadbirlar hamda muammoning ijobiy hal etilishi bo‘yicha aniq taklif va rejalar yuzasidan belgilangan tartibda yozma ma’lumot taqdim etish so‘ralgan.

🌀 Xalq deputatlari Samarqand viloyati Kengashi deputatlari hududlarda fuqarolarni qiynayotgan dolzarb muammolarni o‘rganish, ularning qonuniy manfaatlarini himoya qilish hamda mavjud masalalarning amaliy yechimiga erishish yuzasidan deputatlik nazoratini izchil davom ettirmoqda.