Xalq deputatlari Muzrabot tumani Kengashiga 4-Ko‘chkak saylov okrugidan saylangan deputat Turdiqulov Komiljon tuman Kengashi kotibiyati bosh mutaxassisi Sh. Shoymardanov bilan hamkorlikda “Bodomzor” mahalla fuqarolar yig‘inida bo‘lib, “mahalla yettiligi” faoliyatini o‘rgandi.

O‘rganishlar “Mahalliy Kengash deputati faoliyatining eng muhim yo‘nalishlari bo‘yicha” belgilangan 24 ta tavsiya asosida tashkil etildi. Uchrashuv davomida mahallada amalga oshirilayotgan ishlar tahlil qilinib, aholini qiynayotgan dolzarb masalalar “mahalla yettiligi” vakillari ishtirokida atroflicha muhokama qilindi.

Shuningdek, “mahalla yettiligi” a’zolarining taklif va murojaatlari tinglanib, ularni bartaraf etish yuzasidan aniq chora-tadbirlar va hamkorlik rejasi belgilandi. Murojaatlarni nazoratga olish, ularning ijrosini ta’minlash hamda amalga oshirilayotgan ishlar natijalari haqida aholini muntazam xabardor qilib borish zarurligi alohida ta’kidlandi.

Uchrashuv davomida deputat tomonidan mahalla faollariga mamlakatimizda qabul qilinayotgan yangi qonunlarning mazmun-mohiyati, ularning ahamiyati hamda amaliyotdagi o‘rni haqida batafsil ma’lumot berildi.

Mahalladagi ijtimoiy-iqtisodiy islohotlar samaradorligini oshirish, aholining turmush farovonligini yuksaltirish va mavjud muammolarni hamkorlikda hal etish masalalari yuzasidan fikr ham almashildi.