Xalq deputatlari Pastdarg‘om tuman Kengashi deputati S. Nurmamatova tomonidan Nayman mahallasi fuqarolari bilan uchrashuv tashkil etildi.

Uchrashuv davomida mahallada olib borilayotgan ishlar, aholini qiynayotgan dolzarb masalalar, ijtimoiy himoyaga muhtoj oilalarni qo‘llab-quvvatlash, bandlikni ta’minlash hamda hududni obodonlashtirish bo‘yicha amalga oshirilayotgan ishlar muhokama qilindi.

Shuningdek, mahalla yettiligi tomonidan bildirilgan taklif va murojaatlar tinglanib, ularni hal etish yuzasidan tegishli mutasaddilar bilan hamkorlikda amaliy choralar ko‘rish yuzasidan kelishib olindi.

Bunday uchrashuvlar aholi bilan ochiq muloqotni yo‘lga qo‘yish, mavjud muammolarni joyiga chiqqan holda o‘rganish hamda ularning yechimini topishda muhim ahamiyat kasb etadi.

Deputat S. Nurmamatova bundan buyon ham fuqarolar manfaatlarini himoya qilish va mahallalar rivojiga xizmat qiluvchi tashabbuslarni qo‘llab-quvvatlashini ta’kidladi.