Xalq deputatlari Parkent tuman Kengashiga 13-«Istiqbol» saylov okrugidan saylangan deputat, doimiy komissiya raisi Mahmudova Baxtinisa Zuxriddinovna o‘zi saylangan okrugdagi «Istiqbol» mahallasida fuqarolar tomonidan bildirilgan murojaat yuzasidan deputatlik nazorati doirasida o‘rganish olib bordi.O‘rganish jarayonida «Istiqbol» va «Gulbog‘» mahallalari aholisi tomonidan hudud ehtiyojidan kelib chiqib yangi zamonaviy
umumta’lim maktabi qurish zarurligi masalasi ko‘tarildi. Mazkur murojaat yuzasidan holat atroflicha o‘rganilib, deputatning nazorat daftariga kiritildi.Shuningdek, masala yuzasidan tuman Maktabgacha va maktab ta’limi bo‘limi mas’ullari bilan muhokama o‘tkazildi. Murojaatni amaldagi qonunchilik hamda aholi manfaatlarini inobatga olgan holda ijobiy hal etish maqsadida tegishli mutasaddi tashkilotlar bilan hamkorlikda zarur
choralar ko‘rilmoqda.Fuqarolar murojaatlarini joyida o‘rganish, mavjud muammolarni aniqlash va ularning yechimiga ko‘maklashish deputatlik faoliyatining ustuvor yo‘nalishlaridan biri bo‘lib, bu boradagi ishlar izchil
davom ettirilmoqda.