Xalqimizda azaldan mahallani Vatanning asosi, tayanchi deb bilishadi. Negaki, barcha yezgu tashabbuslar avvalo shu manzildan boshlanadi. 

Xalq deputatlari Mirzo Ulug‘bek tumani Kengashi kotibiyati bosh mutaxassisi J.Kuchkarov tomonidan “Ekologik” partiyasi tuman Kengashining 19-Minglola saylov okrugi deputati Shuxrat Fayziyev faoliyati yuzasidan o‘rganish o‘tkazildi.

Uchrashuv jarayonida mutasaddilar bilan “mahalla yettiligi” va faollarning bosh maqsadi aholining turmush tarzini yanada yuksaltirish, aholi daromadlarini oshirish, yoshlar tarbiyasini kuchaytirish, atrof-muhit obodonchiligini ta’minlash, yashil hududlarni kengaytirishdan iboratligi yuzasidan amalga oshirilayotgan ishlar bo‘yicha suhbat o‘tkazilib, belgilangan chora-tadbirlar ijrosi muhokama qilindi. 

Mahalla mutasaddilari fuqarolarning mavjud muammolarini joyida o‘rganib, hal etish yuzasidan aniq choralar ko‘rilayotganligini ta’kidlab o‘tishdi.

Uchrashuv davomida belgilangan choralar yuzasidan ma’lumotlar deputat Sh.Fayziyevga kiritilishi hamda hamkorlikda amalga oshiriladigan ishlar natijadorligi nazoratga olinishi ma’lum qilindi.