📍 Xalq deputatlari Shovot tumani Kengashi deputati Dilshod Qo‘shnazarov tomonidan “Xorazm suv ta’minoti” AJ Shovot tumani filiali boshlig‘iga deputat so‘rovi yuborildi.
🔎 O‘rganishlar davomida tumandagi “Madaniyat” suv tarqatish inshooti hududi to‘liq o‘rab olingani, biroq obyektga o‘rnatilgan kuzatuv kameralari ishchi holatda emasligi aniqlandi.
⚠️ Mazkur holat ichimlik suvi ta’minoti obyektining xavfsizligiga salbiy ta’sir ko‘rsatishi hamda aholini sifatli va xavfsiz ichimlik suvi bilan uzluksiz ta’minlash jarayonida muammolar yuzaga kelishiga sabab bo‘lishi mumkin.
⏳Qonunchilikka muvofiq, deputat so‘roviga yozma javob belgilangan muddatda taqdim etilishi lozim.
🤝 Fuqarolar manfaatlarini himoya qilish va hududdagi muammolarni bartaraf etishda deputatlik nazorati davom etmoqda.