Xalq deputatlari Angren shahar Kengashi deputati N.Dushayev 2017-yil 11-sentabrdagi Oʻzbekiston Respublikasining “Jismoniy va yuridik shaxslarning murojaatlari toʻgʻrisida”gi OʻRQ-445-son Qonuni ijrosi yuzasidan Angren shahar hokimligi huzurida tashkil etilgan Murojaatlar bilan ishlash shtabi faoliyati bilan tanishdi.

O‘rganish jarayonida shtab tomonidan fuqarolar va yuridik shaxslarning murojaatlarini qabul qilish, ularni belgilangan tartibda ro‘yxatga olish, ko‘rib chiqish hamda ijrosini nazorat qilish bo‘yicha amalga oshirilayotgan ishlar muhokama qilindi.

Deputat tomonidan murojaatlar ijrosini ta’minlash, aholi bilan ochiq muloqotni kuchaytirish va qonun talablariga qat’iy rioya etish yuzasidan tegishli tavsiya hamda takliflar bildirildi. O‘rganish yakunida murojaatlar bilan ishlash tizimini yanada takomillashtirish bo‘yicha mas’ullarga zarur tavsiyalar berildi.