#deputatlik_faoliyati

Xalq deputatlari Toshkent viloyati Kengashi deputati Gulira'no Umarova Oqqo‘rg‘on tumanida bo‘lib, aholini kommunal xizmatlar bilan ta’minlash holatini o‘rgandi.

O‘rganish jarayonida xonadonlarda issiq va sovuq suv ta’minoti, elektr energiyasi hamda tabiiy gaz yetkazib berish bilan bog‘liq mavjud muammolar yuzasidan fuqarolar bilan muloqot qilindi.

Deputat tomonidan aholi murojaatlari tinglanib, kommunal xizmatlar sifati va uzluksizligini ta’minlash borasida mavjud kamchiliklar tahlil qilindi.

Aniqlangan muammolar yuzasidan mutasaddi tashkilotlar bilan hamkorlikda amaliy choralar ko‘rish, murojaatlarning ijrosini nazoratga olish hamda fuqarolar uchun qulay shart-sharoitlar yaratish bo‘yicha tegishli vazifalar belgilandi.

Mazkur o‘rganish deputatlik nazorati doirasida amalga oshirilib, aholining turmush sifatini yaxshilash va kommunal xizmatlar samaradorligini oshirishga qaratilgan muhim ishlardan biri bo‘ldi.

📱 Telegram 📱 Instagram 📱 Facebook