O‘zbekiston Respublikasining “Jismoniy va yuridik shaxslarning murojaatlari to‘g‘risida”gi Qonuni talablariga muvofiq O‘zbekiston Liberal-demokratik partiyasidan saylangan deputat M.Mirabdullayev tomonidan tumanning “Besh-tut” mahallasida “mahalla yettiligi” xodimlari ishtirokida fuqarolar murojaatlari ko‘rib chiqildi.

🔺Tadbir davomida fuqarolar bilan ochiq muloqot o‘tkazilib, ularning murojaatlari va takliflari tinglandi. Xususan, ichimlik suvi ta’minotini va ko‘cha yoritish tizimini yaxshilash, bandlikni ta’minlash bilan bog‘liq masalalar yuzasidan bildirilgan murojaatlar atroflicha muhokama qilindi.

🔺Shuningdek, mahallaga biriktirilgan hokim yordamchisi S.Ashurov tomonidan ishsiz aholining bandligini ta’minlash hamda tadbirkorlikka jalb etish borasidagi ishlari tinglandi. Deputat tomonidan har bir murojaat ijrosi doimiy nazoratda bo‘lishi va aholi manfaatlarini ta’minlashga qaratilgan ishlar izchil davom ettirilishi ta’kidlandi.