Xalq deputatlari tuman Kengashi raisi O.Babayev hamda deputat M.Ashurov tomonidan O‘zbekiston Respublikasi Prezidentining 2023-yil 21-dekabrdagi PF-209-son Farmoniga asosan tumanning “Do‘stlik” mahallasida amalga oshirilayotgan obodonlashtirish ishlarining borishi hamda mahalla fuqarolar yig‘ini binosini qayta qurish bo‘yicha ishlab chiqilgan taklif va loyihalar joyiga chiqqan holda o‘rganildi.

🔺O‘rganish davomida mahalla hududida aholi uchun qulay va obod muhit yaratish, ichki ko‘chalarni tartibga keltirish, yashil hududlarni kengaytirish, tashqi yoritish tizimini yaxshilash hamda infratuzilma obyektlarining holati ko‘zdan kechirildi.

🔺Tashrif doirasida mahalla fuqarolar yig‘ini binosining mavjud holati ham atroflicha tahlil qilindi. Binoning texnik holati, xizmat xonalarining aholiga xizmat ko‘rsatish talablariga qay darajada javob berishi, fuqarolarni qabul qilish uchun yaratilgan shart-sharoitlar baholandi.

🔺Mutaxassislar tomonidan ishlab chiqilgan mahalla binosini qayta qurish loyihasi ko‘rib chiqilib, unda zamonaviy talablarga javob beradigan xizmat xonalari, keng qabulxona, yig‘ilishlar zali, arxiv va yordamchi xonalarni barpo etish masalalari muhokama qilindi.