Xalq deputatlari Qo‘qon shahar Kengashi kotibiyati mudiri A.Nosirov tomonidan shaharning “Sunbula” mahalla fuqarolar yig‘ini hududida yashovchi fuqarolar bilan uchrashuv o‘tkazildi.

Uchrashuv davomida aholi tomonidan ijtimoiy ta’minot, moddiy ko‘mak olish, nafaqa va ijtimoiy qo‘llab-quvvatlash masalalari bo‘yicha bir qator murojaatlar bildirildi.

Fuqarolarning har bir murojaati atroflicha o‘rganilib, mavjud muammolarni qonuniy asosda hal etish yuzasidan zarur tushuntirishlar berildi hamda mas’ul tashkilotlar bilan hamkorlikda amaliy chora-tadbirlar belgilab olindi.

Muloqot jarayonida aholi bilan ochiq va samimiy suhbat tashkil etilib, ularning taklif va mulohazalari ham tinglandi. Ko‘tarilgan masalalarning ijrosi nazoratga olinib, ularni ijobiy hal etish bo‘yicha tegishli ishlar olib borilishi ta’kidlandi.

Inson manfaatlarini ta’minlash, aholi murojaatlarini o‘z vaqtida ko‘rib chiqish va ularga amaliy yechim topish shahrimizdagi ustuvor vazifalardan biri bo‘lib qolmoqda. Bu boradagi ishlar izchil davom ettirilmoqda.

Xalq deputatlari Qo‘qon shahar Kengashi