Xalq deputatlari Uchquduq tuman Kengashi Agrar, suv xo‘jaligi va ekologiya masalalari bo‘yicha doimiy komissiyasining navbatdagi yig‘ilishi bo‘lib o‘tdi.

Mazkur yig‘ilishda xalq deputatlari Uchquduq tuman Kengashining navbatdagi sessiyasida ko‘rib chiqilishi rejalashtirilgan masalalar dastlabki tartibda atroflicha muhokama qilindi.

Xususan:
🔹 tumanda ko‘kalamzorlashtirish ishlarini jadallashtirish, “Yashil makon” umummilliy loyihasi doirasida amalga oshirilayotgan tadbirlar hamda daraxtlar muhofazasini tashkil etish borasida olib borilgan ishlar;
🔹 elektr energiyasidan oqilona va tejamkorlik bilan foydalanish, energiya resurslarini iqtisod qilish bo‘yicha amalga oshirilayotgan chora-tadbirlar;
🔹 qishloq xo‘jaligi sohasida amalga oshirilgan ishlar, yer maydonlaridan samarali foydalanish, ekinlarni parvarishlash hamda sohani rivojlantirish yuzasidan mas’ul ташкилотlarning hisobotlari tinglandi.

Yig‘ilish davomida doimiy komissiya a’zolari tomonidan kun tartibidagi masalalar yuzasidan taklif va tavsiyalar bildirilib, navbatdagi sessiyada ko‘rib chiqiladigan masalalarni puxta tayyorlash, ularning ijrosini samarali tashkil etish hamda aniqlangan kamchiliklarni o‘z vaqtida bartaraf etish bo‘yicha fikr almashildi.

Shuningdek, ekologik barqarorlikni ta’minlash, suv resurslaridan oqilona foydalanish, suv tanqisligining oldini olish, qishloq xo‘jaligi yerlaridan unumli foydalanish hamda aholining ekologik madaniyatini yuksaltirish masalalariga alohida e’tibor qaratildi.

Yig‘ilish yakunida muhokama etilgan masalalar yuzasidan tegishli qarorlar qabul qilinib, mas’ul idora va tashkilotlarga aniq vazifalar hamda tegishli topshiriqlar belgilab berildi