Oila — jamiyatning asosiy boshlang‘ich bo‘g‘ini, go‘zal urf-odatlar, milliy qadriyat va an’analarlarni o‘zida asrovchi, asrlar osha tarbiyada o‘ziga xos milliylikni shakllantiruvchi muqaddas maskan. Oila tinch bo‘lsa, mahalla tinch, jamiyat farovon, davlat mustahkam bo‘ladi.

Dunyo bo‘ylab 15 may — Xalqaro oila kuni sifatida keng nishonlanadi. Mirzo Ulug‘bek tumanidagi O‘zbekiston Respublikasi Qurolli Kuchlar akademiyasida “15 may - Xalqaro oila kuni”ga bag‘ishlab “Ibratli oila” ko‘rik tanlovi o‘tkazildi.

Tadbirda Xalq deputatlari Mirzo Ulug‘bek tuman Kengashining Ijtimoiy soha, yoshlar siyosati, madaniyat va sport masalalari bo‘yicha doimiy komissiya raisi Madjidova Yoqutxon Nabievna mamlakatimizda oilalarni qo‘llab-quvvatlash, ehtiyojmand oilalarning muammolarini hal etish, oila vakilllarining tibbiy, ijtimoiy, huquqiy xizmatlardan foydalanishi uchun yaratilayotgan zarur shart-sharoitlar xaqida gapirib o‘tdi.