Qonun targ‘iboti — aholi manfaatlari yo‘lida

🗓 Xalq deputatlari tuman Kengashining 24-Changak saylov okrugi deputati N.Nazarov tomonidan Changak MFY hududida fuqarolar uchun targ‘ibot tadbiri tashkil etildi.

📖 Tadbir davomida “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi O‘zbekiston Respublikasining O‘RQ-415-sonli Qonun mazmun-mohiyati keng jamoatchilikka tushuntirildi.

🔹 Unda Qonunning asosiy maqsadi aholining ijtimoiy himoyaga muhtoj qatlamlarini qo‘llab-quvvatlash, ularga ko‘rsatiladigan ijtimoiy xizmatlar sifatini oshirish hamda munosib turmush sharoitini ta’minlashdan iborat ekani ta’kidlandi.

👥 Shuningdek, keksalar, nogironligi bo‘lgan shaxslar, yolg‘iz keksalar va ijtimoiy yordamga muhtoj fuqarolarga davlat tomonidan yaratilayotgan imkoniyatlar, ijtimoiy xizmat turlari, huquq va imtiyozlar haqida batafsil ma’lumot berildi.

💬 Uchrashuv davomida fuqarolar o‘zlarini qiziqtirgan savollarga javob oldi, ijtimoiy xizmatlardan foydalanish tartibi yuzasidan fikr va takliflar bildirildi.