🏛 Xalq deputatlari Toshkent shahar Kengashi deputati Saidmurod Ismailov tomonidan “Paxtachi” va “Yangi Toshkent” mahallalarida haftalik ish reja asosida aholi hamda mahalla faollari bilan uchrashuvlar o‘tkazildi.

📝 Mazkur jarayon davomida Mahalliy Kengash deputati faoliyatining eng muhim 24 ta yo‘nalishi doirasida hududdagi dolzarb masalalar muhokama qilinib, xususan infratuzilma, ijtimoiy soha, kommunal xizmatlar va aholi bandligiga oid masalalarga alohida e’tibor qaratildi.

📌 Xususan, fuqarolar qabullari tashkil etilib, kelib tushgan murojaatlar asosida tegishli choralar ko‘rildi. Qator masalalar joyiga chiqib ko‘rib chiqilib, ularning ijrosi deputatlik nazoratiga olindi.

🔎 Uchrashuvlar davomida deputatlar Saidmurod Ismailov hamda Otabek Jiyanbayev aholi bilan bevosita suhbat olib borib, hududdagi muammolarni aniqladilar. Jumladan, Noraztepa ko‘chasida piyodalar yo‘lagi mavjud emasligi, elektr tarmoqlariga xalaqit berayotgan daraxt shoxlarini butalishi zarurligi hamda ko‘chaning ta’mirtalab holatda ekani qayd etildi.

🤝 Ko‘tarilgan masalalar yuzasidan tegishli tashkilotlar bilan hamkorlikda aniq chora-tadbirlar belgilab olindi. Zarur hollarda deputatlik so‘rovlari kiritish, muammolarni bosqichma-bosqich hal etish hamda ularning ijrosini qat’iy nazorat qilishga kelishildi.

🔺 Mazkur ishlar hududdagi muammolarni tizimli hal etish, aholi bilan muloqotni mustahkamlash hamda deputatlik nazoratining ta’sirchanligini oshirishga xizmat qilmoqda.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)

Slide 1 of 6