Yig‘ilishda shahardagi barcha maktabgacha ta’lim tashkilotlari hamda umumta’lim maktablari direktorlari ishtirok etishdi.

⏺Tadbirda ta’lim tizimida korrupsion holatlarning oldini olish, sohada shaffoflikni ta’minlash va "halollik vaksinasi"ni joriy etish masalalari atroflicha muhokama qilindi.

💬Asosiy e’tibor ta’lim tizimini har xil noqonuniy holatlardan tozalash va ishni halol tashkil etishga qaratildi:

🫥Ishga qabul qilishda adolat: Xodimlarni ishga olishda tanish-bilishchilikka emas, balki bilim va tajribaga tayanish shartligi aytildi.

🫥Pul mablag‘larini to‘g‘ri sarflash: Davlat tomonidan ajratilgan mablag‘larni va jihozlarni o‘z joyida, tejab-tergab ishlatish bo‘yicha ko‘rsatmalar berildi.

🫥Rahbar mas’uliyati: Har bir direktor o‘z jamoasida halol muhit yaratishga shaxsan javobgar ekanligi haqida ogohlantirildi.

✔️Komissiya a’zolari tomonidan korrupsiya nafaqat qonunbuzarlik, balki kelajak avlod tarbiyasiga berilgan zarba ekanligi ta’kidlandi.

📌Maqsad — Ta’lim maskanlarini korrupsiyadan xoli hududga aylantirish, o‘qituvchi va tarbiyachilarning nufuzini oshirish hamda ota-onalarning ta’lim tizimiga bo‘lgan ishonchini mustahkamlashdir.