Xalq deputatlari Jalaquduq tuman Kengashi deputati Qurbonov Ergashboy tomonidan 2026 yil 1 aprel kuni tuman elektr tarmoqlari idorasiga yuborilgan deputat so‘rovi ijrosi amalda ta’minlandi. Mazkur so‘rov hududdagi mavjud muammolarni bartaraf etish, xususan elektr ta’minoti tizimini yaxshilash va aholi uchun yanada qulay sharoit yaratishga qaratilgan edi. So‘rov asosida Boycheki mahalla fuqarolar yig‘ini hududida 7 dona beton tayanch ustunlari o‘rnatildi. Ushbu ishlar elektr uzatish tarmoqlarining barqaror ishlashini ta’minlash, avariyaviy holatlarning oldini olish hamda aholini uzluksiz elektr energiyasi bilan ta’minlashda muhim ahamiyat kasb etadi.Amalga oshirilgan ishlar deputat tomonidan joyiga chiqqan holda atroflicha o‘rganildi. O‘rnatilgan tayanchlar sifati, xavfsizlik talablari va hudud ehtiyojlariga mosligi sinchiklab ko‘zdan kechirildi. Shuningdek, mutasaddi tashkilot vakillari bilan muloqot o‘tkazilib, bajarilgan ishlarning sifati yuzasidan tegishli tavsiyalar berildi. Ta’kidlash joizki, bunday amaliy ishlar nafaqat mavjud muammolarni bartaraf etish, balki kelgusida yuzaga kelishi mumkin bo‘lgan nosozliklarning oldini olishga ham xizmat qiladi. Eng muhimi, aholi murojaatlariga tezkor munosabat bildirilayotgani, ularning muammolari amalda hal etilayotgani fuqarolarning ishonchini mustahkamlashga xizmat qilmoqda. Hududlarda infratuzilmani yaxshilash, aholi uchun qulayliklar yaratish hamda muhandislik-kommunikatsiya tizimlarini modernizatsiya qilish borasidagi ishlar izchil davom ettirilmoqda. Bu esa o‘z navbatida mahallalarda yashash sharoitlarini yanada yaxshilash, aholining turmush darajasi va farovonligini oshirishga xizmat qiladi.