Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Milliy-tiklanish” demokratik partiyasidan saylangan tuman deputatlari M.Aynashova tomonidan tuman Madaniyat bo‘limida amalga oshirilayotgan ishlar, sohadagi mavjud holat hamda aholiga madaniy xizmatlar ko‘rsatish sifati o‘rganildi.

🔺O‘rganish jarayonida Madaniyat bo‘limi rahbari D.Raimjonova bilan suhbat o‘tkazilib, madaniyat markazlari, to‘garaklar faoliyati, aholining, ayniqsa, yoshlarning bo‘sh vaqtini mazmunli tashkil etish, milliy qadriyatlarni targ‘ib qilish, xalq og‘zaki ijodi va havaskorlik san’atini rivojlantirish bo‘yicha amalga oshirilayotgan ishlar tahlil qilindi. Shuningdek, madaniy-ma’rifiy tadbirlarni yuqori saviyada tashkil etish, joylarda konsert dasturlari, festivallar, ma’naviy-ma’rifiy uchrashuvlar va boshqa tadbirlarni muntazam o‘tkazish holati ham ko‘zdan kechirildi.

🔺Deputat tomonidan muassasaning moddiy-texnik bazasi, bino-inshootlar holati, sahna jihozlari, ovoz kuchaytirish vositalari, musiqa asboblari, mebel va boshqa inventarlarning holati ham o‘rganildi. Shu bilan birga, mavjud muammolarni bartaraf etish bo‘yicha bo‘limga 5,6 mlrd. so‘m miqdorda mablag‘lar talab etilayotganligi ma’lum qilindi.

🔺O‘rganish yakunida madaniyat sohasida aholiga ko‘rsatilayotgan xizmatlar sifatini yanada oshirish, madaniyat markazlari faoliyati samaradorligini kuchaytirish, yoshlarni san’at va ijodga keng jalb etish, milliy an’ana va qadriyatlarni targ‘ib qilish yuzasidan tegishli tavsiyalar berilib, bo‘limning moddiy-texnika bazasini mustahkamlash maqsadida mas’ul rahbarlarga deputat so‘rovi yuborilishi kelishib olindi.