Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Adolat” sotsial-demokratik partiyasidan saylangan deputat M.Ashurov tumanning “Tolebi” mahallasiga biriktirilgan ijtimoiy xodim va hokim yordamchisi faoliyati bilan tanishdi.

🔺O‘rganish davomida ijtimoiy xodim tomonidan ehtiyojmand oilalar, yolg‘iz keksalar, nogironligi bo‘lgan shaxslar va ijtimoiy himoyaga muhtoj fuqarolar bilan olib borilayotgan manzilli ishlar, ularga ijtimoiy xizmat va ko‘maklarni tashkil etish, murojaatlarni o‘z vaqtida ko‘rib chiqish hamda muammolarni hal etish borasida amalga oshirilayotgan chora-tadbirlar bilan tanishildi.

🔺Shuningdek, hokim yordamchisi tomonidan aholi bandligini ta’minlash, ishsiz fuqarolarni doimiy ish o‘rinlariga joylashtirish, o‘zini o‘zi band qilish va tadbirkorlikka jalb etish, kasb-hunarga o‘qitish, imtiyozli kredit va subsidiyalar ajratish orqali oilalar daromadini oshirish bo‘yicha olib borilayotgan ishlar tahlil qilindi. Amalga oshirilayotgan loyihalarning holati, yangi ish o‘rinlari yaratish va aholining iqtisodiy faolligini oshirish yuzasidan belgilangan vazifalarning ijrosiga alohida e’tibor qaratildi.

🔺Aniqlangan kamchiliklarni hal etish, ijtimoiy xizmatlar sifatini yanada yaxshilash, aholi bandligini ta’minlash va tadbirkorlikni rivojlantirish borasida mas’ullarga tegishli tavsiya va topshiriqlar berildi.