Xalq platformasi orqali kelib tushgan murojaatlar ijro holati o‘rganildi

Xalq deputatlari Navoiy shahar Kengashining navbatdagi sessiyasi kun tartibiga qo‘yilgan masalalar doirasida “Xalq platformasi” orqali kelib tushgan murojaatlarning ijro holati o‘rganildi.

Mazkur jarayonda fuqarolar tomonidan yuborilgan murojaatlarning mazmuni, ularni hal etish bo‘yicha mutasaddi tashkilotlar tomonidan amalga oshirilayotgan ishlar hamda ijro intizomi holati tahlil qilindi. Shu bilan birga, murojaatlarni o‘z vaqtida ko‘rib chiqish va samarali hal etish masalalariga alohida e’tibor qaratildi.

O‘rganish davomida murojaatlarning ijrosini ta’minlashda tizimli yondashuvni kuchaytirish, mas’ul idoralar o‘rtasidagi hamkorlikni yanada mustahkamlash hamda aholi muammolarini tezkor hal etish samaradorligini oshirish yuzasidan fikr almashildi.

Ta’kidlanganidek, “Xalq platformasi” orqali kelib tushayotgan murojaatlar fuqarolarning dolzarb masalalarini aniqlash va ularni hal etishda muhim ahamiyat kasb etmoqda. Shu bois, har bir murojaatga mas’uliyat bilan yondashish va uning ijrosini ta’minlash masalasi doimiy nazoratda bo‘lib qoladi.

🇺🇿XALQ DEPUTATLARI NAVOIY SHAHAR KENGASHI KOTIBIYATI