Xalq deputatlari Marg‘ilon shahar Kengashi deputati Z.Domilayev tomonidan o‘z saylov okrugida obodonlashtirish ishlari hamda kommunal xizmatlar sifati yuzasidan o‘rganish olib borildi.

Jarayonda hududdagi ichki ko‘cha yo‘llarining holati, boshqaruv kompaniyalari faoliyati samaradorligi, ko‘p qavatli uylarning ichki yo‘laklari hamda chiqindilarni o‘z vaqtida olib chiqish bilan bog‘liq masalalarga alohida e’tibor qaratildi.

Shuningdek, mavjud muammolarni bartaraf etish, aholiga qulay sharoit yaratish va kommunal xizmatlar sifatini yanada yaxshilash yuzasidan mutasaddi tashkilotlarga tegishli tavsiyalar berildi.

Hududlarda obodonlashtirish ishlarini tizimli tashkil etish hamda kommunal xizmatlar samaradorligini oshirish aholi farovonligini ta’minlashda muhim omil hisoblanadi.