Xalq deputatlari Qo'qon shahar Kengashi tomonidan tasdiqlangan reja asosida shahar Kengashi deputati M.Mavlonqulov saylov okrugi hududida joylashgan “Achchiqko‘l” mahalla fuqarolar yig'inida navbatdagi fuqarolar qabuli tashkil etildi.

Qabul jarayonini Xalq deputatlari Qo‘qon shahar Kengashi kotibiyati mudiri A.Nosirov olib bordi. Unda hudud aholisi tomonidan bildirilgan muammo va takliflar atroflicha o‘rganilib, murojaatlar yuzasidan tegishli mas’ullar bilan muhokamalar olib borildi.

Fuqarolar murojaatlariga huquqiy yechim topish va amaliy yordam ko‘rsatish maqsadida qabulda “Madad” nodavlat notijorat tashkiloti huquqshunosi M.Toshboltayeva hamda Kengash kotibiyatining bosh mutaxassisi A.Adxamov ishtirok etdi.

Qabul davomida fuqarolar tomonidan oliy ta’lim muassasalari uchun to‘lov-kontrakt mablag‘larini to‘lashga imtiyozli kredit ajratish, aholini o‘zini-o‘zi band qilish va daromad manbalarini yaratish, shuningdek “Obod” mavzesidagi ichki ko‘chalarni ta’mirlash va infratuzilmani yaxshilash bilan bog‘liq qator murojaatlar bildirildi.

Har bir murojaat yuzasidan fuqarolarga huquqiy tushuntirishlar berilib, masalalarni ijobiy hal etish bo‘yicha tegishli tashkilotlar bilan hamkorlikda ish olib borilishi ta’kidlandi.

Qabul yakunida ko‘tarilgan barcha masalalar nazoratga olinib, ularning ijrosini ta’minlash yuzasidan aniq vazifalar belgilab olindi.

Bunday sayyor qabullar aholi bilan ochiq muloqotni yo‘lga qo‘yish, fuqarolar murojaatlarini o‘z vaqtida ko‘rib chiqish hamda hududdagi dolzarb muammolarni amaliy hal etishda muhim аhamiyat kasb etmoqda.

Xalq deputatlari Qo‘qon shahar Kengashi