Deputat nazorati — amaliy natija bilan.

Xalq deputatlari Namangan shahar Kengashi deputati Rustamjon Isakov tomonidan Namangan shahri Chorsu mahallasida joylashgan 16-sonli davlat maktabgacha ta’lim tashkilotining kuz-qish mavsumiga tayyorgarlik holati o‘rganildi.

O‘rganish jarayonida ayrim xonalardagi isitish jihozlarida kamchiliklar aniqlanib, masala joyidayoq nazoratga olindi. Tegishli mutasaddi tashkilotlar jalb etilib, qisqa muddat ichida barcha muammolar bartaraf etildi. Natijada isitish tizimlari to‘liq ish holatiga keltirilib, bolajonlar uchun qulay va issiq muhit yaratildi.

Shuningdek, mazkur muassasani Investitsiya dasturi asosida mukammal ta’mirlash doirasida umumiy qiymati 6,0 mlrd so‘mlik, 150 o‘rinli yangi bino qurish rejalashtirilgan. Ayni paytda muassasada 2026-yil 13-yanvardan boshlab buzish ishlari amalga oshirilmoqda hamda yangi bino barpo etish uchun loyiha hujjatlarini ekspertizadan o‘tkazish ishlari olib borilmoqda.

Rustamjon Isakov

Xalq deputatlari Namangan shahar Kengashi raisi, deputat