Oʻzbekiston "Milliy tiklanish" demokratik partiyasi tuman Kengashi raisi, xalq deputatlari tuman Kengashi deputati H. Xoliqov tomonidan tumanning Urganji mahallasida "uyma uy" loyihasi doirasida "sayyor qabul" uchrashi tashkil etildi. Mahalla fuqarolar yigʻini raisi U. Xoʻjamnazarov hamda mahalla ijtimoiy xodimi H. Arabbauevalar bilan oʻzaro ijtimoiy hamkorlik asosida tashkil etilgan mazkur tadbirda mahallada istiqomat qiluvchi fuqarolar bilan uchrashilib hududidagi mavjud muammolar joyida tahliliy oʻrganildi. 

  Mavjud muammo hamda kamchiliklarni ijobiy hal etish boʻyicha mahalla faollari hamda nuroniylar vakillari bilan oʻzaro kelishib olindi. 

 Mahalla nuroniylar kengashi tomonidan tavsiya etilgan ayrim fikr va mulohazalar mavjud muammolarning yechimi boʻyicha bizlarga tajriba maktabi boʻlib xizmat qiladi. Uchrashuvda fuqarolar tomonidan bildirilgan murojaatlardan ayrimlari tuman inson ijtimoiy xizmatlar markazi rahbari S. Bazarova tomonidan joyida ijobiy hal etildi.