Deputatlar maktablardagi ta’lim sifati va xavfsizlik masalalarini o‘rganmoqda:

Xalq deputatlari Termiz tuman Kengashining 2026-yil uchun tasdiqlangan ish rejasiga muvofiq, yoshlar tarbiyasi va hududlar xavfsizligini ta’minlashga qaratilgan o‘rganishlar izchil davom ettirilmoqda.

Navbatdagi o‘rganish ishlari davomida tuman Kengashi deputatlari A.Abdullayev hamda G.Turdiyevalar 16-sonli maktabda (AFCHUM) bo‘lib, o‘quvchi-yoshlar, xususan, o‘g‘il bolalar bilan profilaktik suhbatlar o‘tkazdilar.

Muloqot davomida asosiy e’tibor quyidagi masalalarga qaratildi:

Tartib-intizom va profilaktika: O‘quvchi yoshlar, ayniqsa, o‘g‘il bolalar o‘rtasida o‘zaro hurmatni shakllantirish, huquqbuzarliklarning oldini olish va odob-axloq qoidalariga rioya etish;

Sifatli ta’lim va bo‘sh vaqt: Yoshlarning darsdan tashqari vaqtlarini sport va foydali to‘garaklarga yo‘naltirish, ta’limga bo‘lgan mas’uliyatini oshirish;

Xavfsiz muhit: Maktab hududida xavfsizlikni ta’minlash va yoshlar orasida sog‘lom muhitni qaror toptirish borasidagi dolzarb vazifalar.

Deputatlar o‘g‘il bolalar bilan muloqotda ularning kelajakda vatanparvar va jamiyatga foydali inson bo‘lib yetishishlarida bugungi ta’lim va tarbiyaning o‘rni muhimligini alohida ta’kidladilar.

Ma’lumot uchun: Tasdiqlangan ish rejasi asosida hududlarda deputatlar tomonidan o‘rganish va profilaktika ishlari har kuni bosqichma-bosqich davom ettirilmoqda.

Yoshlar ta’lim-tarbiyasi va xavfsizligi doimiy nazoratda.