Yangiliklar
19 июн 2026
Bugun Xalq deputatlari Termiz shahar Kengashining yigirma ikkinchi sessiyasi bo‘lib o‘tdi
BATAFSIL (https://www.facebook.com/share/v/14hyX3vVn76/?mibextid=wwXIfr)Xalq deputatlari Termiz shahar Kengashining yigirma ikkinchi sessiyasi yakunlandi
Xalq deputatlari Termiz shahar Kengashi raisi D.Normuradova raisligida o‘tkazilgan sessiya ishida shahar ijtimoiy-siyosiy hayotiga oid jami 10 ta masala deputatlar tomonidan ko‘rib chiqildi.Sessiya davomida deputatlar tomonidan “Dolzarb 90 kun” chora-tadbirlar rejasida nazarda tutilgan tadbirlarning ijrosi, yoshlarning bo‘sh vaqtini mazmunli tashkil etish, ularni kasb-hunar, sport, madaniyat va axborot texnologiyalari yo‘nalishlariga keng jalb etish, shuningdek, mas’ul tashkilotlar zimmasiga yuklatilgan vazifalarning samarali bajarilishi yuzasidan qator savollar, taklif va mulohazalar bildirildi.
Muhokamalar yakunida deputatlar tomonidan bildirilgan taklif va tavsiyalar inobatga olinib, Termiz shahrida yoshlar uchun yozgi ta’tilni mazmunli va samarali tashkil etishga qaratilgan “Dolzarb 90 kun” chora-tadbirlar rejasini tasdiqlash to‘g‘risidagi tegishli qaror qabul qilindi.Xalq deputatlari Termiz shahar Kengashining 22-sessiyasi davom etmoqda
Ayni vaqtda sessiya kun tartibidagi 6-masala — “Termiz shahrida yoshlar uchun yozgi ta’tilni mazmunli va samarali tashkil etishga qaratilgan “Dolzarb 90 kun” chora-tadbirlar rejasini tasdiqlash to‘g‘risida”gi masala yuzasidan muhokamalar olib borilmoqda.Muhokamalar jarayonida deputatlar tomonidan loyihalarning amaliy samaradorligi, mablag‘larning maqsadli va oqilona sarflanishi, aholi bandligini ta’minlash, yoshlarni qo‘llab-quvvatlash, ijtimoiy himoya tizimini yanada takomillashtirish hamda inklyuziv ta’lim imkoniyatlarini kengaytirish masalalari yuzasidan qator taklif va tavsiyalar bildirildi.
Muzokaralarda so‘zga chiqqan Xalq deputatlari Termiz shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi Abdikadir Mustafakulov mazkur masalalarning barchasi doimiy komissiya tomonidan atroflicha o‘rganilganini, taqdim etilgan hisob-kitoblar va asoslovchi hujjatlar amaldagi qonunchilik talablari asosida ko‘rib chiqilganini hamda ushbu masalalarning shahar ijtimoiy-iqtisodiy rivojlanishidagi dolzarbligini alohida ta’kidladi.Xalq deputatlari Termiz shahar Kengashining 22-sessiyasida qizg‘in munozaralar davom etmoqda
Ayni vaqtda sessiya kun tartibidagi 3-, 4- va 5-masalalar yuzasidan deputatlar tomonidan qizg‘in muhokama va munozaralar olib borilmoqda.Sessiya davomida deputatlar tomonidan jamg‘arma mablag‘larining manzilli va maqsadli yo‘naltirilishi, ajratilayotgan mablag‘larning samaradorligini oshirish, ehtiyojmand fuqarolarni qo‘llab-quvvatlash mexanizmlarini yanada takomillashtirish hamda mablag‘lardan foydalanishda ochiqlik va shaffoflikni ta’minlash masalalari yuzasidan qator savollar, taklif va mulohazalar bildirildi.
Muhokamalar yakunida deputatlar tomonidan bildirilgan taklif va tavsiyalar inobatga olinib, “Ijtimoiy reyestr”ning “davlat ta’minotidagi oila” toifasiga kiritilgan hamda o‘zgalar parvarishiga muhtoj yolg‘iz yashovchi va yolg‘iz keksalar, nogironligi bo‘lgan shaxslar hamda ehtiyojmand oilalarning xonadonlarida energiya samaradorligini oshirish, jumladan, devor va tom qismlarini izolyatsiya qilish, energiya tejamkor deraza va eshiklar hamda quyosh panellari yoki geliokollektorlar o‘rnatish ishlari uchun mablag‘ ajratish to‘g‘risida tegishli qaror qabul qilindi.Xalq deputatlari Termiz shahar Kengashining 22-sessiyasi davom etmoqda
Ayni vaqtda sessiya kun tartibidagi 3-, 4- va 5-masalalar yuzasidan Xalq deputatlari Termiz shahar Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi raisi Abdikadir Mustafakulovning mazkur masalalar doimiy komissiya yig‘ilishida atroflicha ko‘rib chiqilgani hamda qaror loyihalari yuzasidan muzokara so‘zi eshitilmoqda.Sessiya davomida “Ijtimoiy reyestr”ning “davlat ta’minotidagi oila” toifasiga kiritilgan hamda o‘zgalar parvarishiga muhtoj bo‘lgan yolg‘iz yashovchi va yolg‘iz keksalar, nogironligi bo‘lgan shaxslar hamda ehtiyojmand oilalarga xonadonda energiya samaradorligini oshirish bo‘yicha yordam ko‘rsatish uchun mablag‘ ajratish masalasi ko‘rib chiqilmoqda.
Mazkur tashabbus doirasida ehtiyojmand fuqarolarning yashash sharoitlarini yaxshilash, energiya resurslaridan oqilona foydalanishni ta’minlash hamda kommunal xarajatlar yukini kamaytirish maqsadida uy-joylarning devor va tom qismlarini issiqlik izolyatsiyasi bilan qoplash, energiya tejamkor deraza va eshiklar o‘rnatish, shuningdek quyosh panellari va geliokollektorlar bilan jihozlash ishlari uchun mablag‘lar yo‘naltirilishi nazarda tutilgan.