Yoshlar bilan ishlash tizimining samadorligini oshirish va ularning muammolariga manzilli yechim topish — bugungi kunning eng ustuvor vazifalaridan biridir.
Shu munosabat bilan, Olmaliq shahar "Yangi hayot" mahallasida yoshlar yetakchisining amaliy faoliyati hamda amalga oshirgan ishlari atroficha o‘rganildi.
O‘rganish jarayoni O‘zbekiston Respublikasi Prezidentining PF-209-sonli Farmoni talablari asosida, doimiy nazorat va tahlil mezonlariga muvofiq tashkil etildi.

O'rganishda:
Adham Xasanov — Xalq deputatlari Olmaliq shahar Kengashi deputati (Kotibiyatdan biriktirilgan vakili Mukarram Nematullayeva);
Muhiddin Abdullayev — shahar Kengashi deputati tomonidan mahalla yetakchisining har bir yo‘nalish bo‘yicha olib borayotgan faoliyati, yoshlar balansi bilan ishlashi va ularga yaratilgan sharoitlar birma-bir ko‘zdan kechirildi.

Tahlil jarayonida yetakchi tomonidan erishilgan natijalar bilan bir qatorda, yo‘l qo‘yilgan ayrim kamchilik va e’tibordan chetda qolgan masalalar ham aniqlandi. Barcha aniqlangan kamchiliklar o‘z vaqtida bartaraf etilishi uchun deputatning "ko‘chama-ko‘cha aylanish jurnali"ga kiritildi hamda ijrosi nazoratga olindi.
"Yoshlar — jamiyatimiz kelajagi. Har bir mahalladagi yetakchi faoliyati rasmiyatchilikdan xoli bo‘lib, amalda har bir yoshning hayotida ijobiy o‘zgarish yasashi shart."

O‘rganish yakunida yoshlar yetakchisiga kelgusi faoliyatini yanada samarali tashkil etish, yoshlar muammolarini barvaqt aniqlash hamda ular bilan manzilli ishlash bo‘yicha tegishli tavsiyalar va aniq ko‘rsatmalar berildi.